Playboy quere elixir á blogueira máis atractiva para que pose para a súa revista
xoves, 10 de xullo do 2008
- Xeni Jardin, Julie Alexandria, Veronica Belmont, Amanda Congdon, Sarah Lacy, Sarah Austin, Natali Del Conte e Brigitte Dale
A revista Playboy
nos últimos anos desenvolveu distintas iniciativas dirixidas a captar público
novo, como facer especiais de videoxogos ou organizar concursos nos que os
móbiles tomaban un papel importante, e agora quere tirar dos blogs, máis
concretamente das blogueiras máis atractivas dos EE.UU., polo que na
súa web convidan aos usuarios a votar pola moza que máis gusten para
que pose para a revista de Hugh Heffner.
As candidatas a recibir unha solicitude de Playboy son Xeni Jardin, Violent
Blue, Julie Alexandria, Veronica Belmont, Amanda Congdon, Brigitte Dale, Sarah
Lacy, Sarah Austin e Natali Del Conte, que non só son populares por escribir
blogs, senón que en moitos casos fan aparicións en programas de televisión e podcasts,
de xeito que gozan dunha sona que en moitos casos supera á Internet.
No momento actual a blogueira que está a acadar máis éxito na enquisa é Brigitte Dale (27%), seguida por Veronica
Belmont (23%) e Natali
Del Conte (14%), e aÃnda que a
meirande parte das candidatas aseguran que non posarán espidas no caso de gañar,
resulta curioso que a revista Playboy faga súa este tipo de votacións (pois a
elección da moza friki máis atractiva
é xa un clásico
de revista Wired con 3 edicións ás súas costas).