Playboy estrearase en Second Life

O Second Life Herald informa de que a revista erótica máis popular do mundo, Playboy, está a preparar o seu desembarco no mundo virtual de moda, aínda que non se coñecen os detalles desta operación que ben podería concretarse na recreación da Mansión Playboy con Hugh Hefner e as súas coelliñas correndo por alí con pouca roupa.
Polo momento parece que só se coñece que o novo lanzamento será no mes de xuño, mentres que os interesados poden subscribirse para recibir por correo electrónico novidades ó respecto.