Planeta estrea unha web para axudar aos docentes a fomentar a lectura

A editorial Planeta a través da súa nova web Planetalector.com quere «crear unha Comunidade Virtual de Profesores comprometida co fomento da lectura a través das novas tecnoloxías» pretendendo «converterse nun punto de encontro para compartir información, experiencias, inquedanzas, plans lectores, recursos e demais aspectos da labor educativa coa intención de incrementar a lectura entre os alumnos de Infantil, Primaria, ESO e Bacharelato».
Planetalector.com recolle un amplo catálogo de libros axeitados para cada ciclo educativo, guías didácticas primeiras páxinas, vídeos, entrevistas, cancións, ideas sobre cómo fomentar o gusto pola lectura entre os alumnos e moitos outros elementos que contribúen a xerar comunidade nesta plataforma dirixida á comunidade educativa relacionada coa lectura.