Pilar Farjas presentou un informe sobre a planificación do Expediente-e no SERGAS
xoves, 5 de maio do 2011
A conselleira de
Sanidade, Pilar
Farjas AbadÃa, informou no Consello da Xunta de hoxe da aplicación Expedient-e único do profesional,
que permitirá centralizar e unificar os méritos de todas e todos os
traballadores do sistema sanitario público galego, a través da xestión e o
tratamento eficiente do seu curriculum
vitae e que xa está na segunda fase de desenvolvemento e a partir de xuño
todos os profesionais poderán acceder a ela a través de páxina web.
Co Expedient-e
os méritos relacionados coa experiencia profesional, formación continuada e
posgrao, docencia e investigación, asà como outras actividades, serán achegados
unha única vez polo profesional, e entenderanse presentados para todos os
procesos xestionados na área de recursos Hhumanos en que o profesional queira participar,
o que elimina a necesidade de presentación de documentación por cada convocatoria.
Ademais, conseguirase
unha resolución máis áxil dos procesos que impliquen a baremación de méritos
(traslados, contratación temporal, procesos selectivos, acomplamentos internos,
carreira profesional, entre outros), asà como a redución das reclamacións e un
importante aforro de papel e outros recursos materiais.
Outra das vantaxes será a modernización da xestión e un incremento da calidade do servizo aos profesionais, posto
que o sistema contará con toda a información actualizada sobre o seu currÃculum vitae, permitindo a cada
traballador facer un seguimento dos procesos en que decide intervir a través de
consulta do estado dos seus méritos e conseguindo, deste xeito, un sistema áxil
e transparente.
En consecuencia, o Expedient-e
único terá un impacto positivo non só para os 38.000 profesionais que traballan
na Administración sanitaria, senón, tamén, para aquelas persoas que se atopen
nas listas de contratación temporal con expectativa de emprego.
A conselleira de
Sanidade explicou as fases de desenvolvemento da operativa e avanzou que a aplicación
terá visibilidade antes de rematar o primeiro semestre do ano e xa está
previsto que as novas listas de contratación temporal se xeren conforme este
novo sistema no último trimestre do ano. Os centros do Servizo Galego de Saúde
xa teñen instrucións para pór en marcha a nova operativa.