Piden que Twitter non elimine as contas de usuarios falecidos
mércores, 27 de novembro do 2019
Nos últimos dÃas acadaron relevancia as
normas de Twitter relativas ás contas inactivas, xa que numerosos usuarios
recibiron avisos informándoos de que se non iniciaron sesión nos últimos 6 meses
dende Twitter poden eliminar a súa conta «de xeito permanente debido a unha
inactividade prolongada». Esta medida facilitarÃa a liberación de numerosas
contas de usuario, o que inicialmente pode verse como unha limpa vantaxosa para
a comunidade en xeral, pero algúns deron conta dunha preocupación: que acontece
coas contas de usuario de persoas que faleceron.
De eliminarse a conta dun usuario falecido, poderÃa darse o caso de que outra
persoa empregase o mesmo nome de usuario no futuro, o que pode chegar a parecer
unha suplantación de identidade, asà como desvirtuar numerosas citas ao usuario
anterior, polo que non faltan voces que piden que Twitter permita conxelar as
contas de persoas falecidas como tamén permiten en Facebook.
En vista deste problema, incluso un traballador de Archive.org, Jason Scott,
anunciou The Twittering Dead, unha iniciativa a través da que reciben
solicitudes nas que dan conta de usuarios de Twitter falecidos para, ante o
perigo do borrado das súas contas, facer unha copia de seguridade para manter
un arquivo da súa actividade en Twitter, de xeito quede rexistrada para a
posteridade.
En vista da reacción que está a ter o público parece razoable que Twitter mude
o seu xeito de proceder en breve, e permita converter contas de usuario
inactivas por falecemento en contas de usuario conmemorativas.
ACTUALIZACIÓN: Finalmente dende Twitter escoitaron as reclamacións do público e explicaron que o borrado de contas estaba limitado á Unión Europea por mor do cumprimento da lexislación de protección de datos, e tras caer na conta do problema que crearÃa a eliminación de contas de usuarios falecidos aseguran que non borrarán ningunha conta até que creen un mecanismo para mudar certas contas inactivas en contas conmemorativas.