Phone House integra os servizos de Fotoprix en dúas das súas tendas galegas

A cadea de tendas de telefonía móbil Phone House leva tempo aliada con Fotoprix para achegar aos seus clientes os seus servizos de fotografía, impresión e agasallos personalizados, e os establecementos híbridos de ambas marcas tamén están dispoñibles en Galicia, pois as tendas de Phone House nos centros comerciais de Marineda City (A Coruña) e As Cancelas (Santiago de Compostela) abertos en setembro e agosto do ano pasado, respectivamente, veñen de adaptarse para ofrecer os servizos de Fotoprix.
Deste xeito, as mencionadas tendas de Phone House serven para que merquemos un móbil novo, para que contratemos un servizo de telecomunicacións ou para que plasmemos as nosas fotografías en distintos formatos.