Periscope estrea un sistema de comentarios moderados pola comunidade
mércores, 1 de xuño do 2016
As retransmisións
de vÃdeo a través de plataformas como Periscope resultan moi atractivas pola
súa capa social, pero ese elemento tamén pode converterse en todo un problema,
e por iso dende Periscope decidiron tomar medidas para evitar o spam e os abusos,
para manter segura a súa comunidade de usuarios, polo que están
a desenvolver un sistema de moderación de comentarios transparente (que a
xente entenda como funciona), dirixido pola comunidade (os participantes dunha
retransmisións son os que mellor poden determinar o que está ben ou non, de
xeito que un comentario nunha emisión humorÃstica poderÃa quedar fóra de lugar
noutros foros) e en tempo real (os usuarios poderán denunciar e moderar
comentarios segundo saen en pantalla).
Este novo sistema de moderación de comentarios xa iniciou a súa implantación, e
permitirá que durante unha retransmisión os usuarios poidan denunciar
comentarios como spam ou abuso, de xeito que non veremos as mensaxes do
comentarista que denunciemos durante o que reste de retransmisión; cando se
denuncia un comentario un pequeno grupo de usuarios ao azar poderán votar se o
comentario é spam, abuso ou resulta axeitado; o resultado da votación amosarase
aos votantes, e se o comentario resulta reprobado o seu autor recibirá unha
mensaxe na que se lle notifica da súa inhabilitación temporal (que será durante
toda a retransmisión en caso de reiteración).
Esta solución busca ser lixeira e áxil, para que en poucos segundos, sendo os
usuarios libres de elixir se queren ou non participar destas funcionalidades
para manter limpa a comunidade. Cómpre comentar que os responsables das
retransmisións sempre poden denunciar e bloquear a usuarios molestos, asà como limitar
os comentarios só a xente que coñecen, pero a nova solución atopada por
Periscope consegue que certas conversas masivas poidan auto-xestionarse, de
xeito que a persas que realiza a retransmisión pode estar menos preocupado
polos malos comportamentos dalgúns usuarios e centrarse no que quere contar nos
seus vÃdeos en vivo.