Pendurado na Rede A GuÃa Miguelinho, un repaso polo máis selecto da hostalarÃa compostelá
martes, 19 de febreiro do 2008
A medio camiño entre a homenaxe ó nosa tradición hostaleira (e máis concretamente gastronómica) e a brincada máis completa, pero máis preto do primeiro que do segundo, vense de pendurar no YouTube A GuÃa Miguelinho, un traballo feito polo mesmo equipo cá Marinha Dor e no que se nos ofrece un repaso polo máis senlleiro da liña estratéxica do sector galego que fica no extremo máis oposto da cociña sofisticada.
Asemade, no vÃdeo en cuestión poderemos ver cómo se reivindica o emprego de chapeu con publicidade de Biona entre o persoal hostaleiro, o marisco criado e mantido nun cortello no canto do de piscifactorÃa ou unha presentación simple e certeira das viandas (neste caso, unha cachucha de porco, posta na mesa sen maiores filigranas) no canto dun coidado extremo na distribución e a imaxe.
Protagonizado por Pepa Yáñez, Ramón do Freixo e Miguel de Lira, o vÃdeo céntrase sobre todo na chegada a Compostela dunha turista francesa, cidade á que arriba cunha soa idea nos miolos: visitar o máis selecto da súa oferta culinaria. Polo camiño, atópase a dous personaxes autóctonos que lle poñen diante dos ollos o que todo turista deberÃa saber: non todo o mellorciño dun paÃs ten por que aparecer nas guÃas.