Pechan a web de descargas OiNK

A web pechada xa tivera que cambiar de nome de dominio (de Oink.me.uk a Oink.cd)

As Policías británica e holandesa pecharon unha das fontes máis importantes máis importantes de descargas ilegais de cancións antes da súa estrea comercial, a web OiNK, que conformaba unha comunidade de usuarios na que só se podía entrar con invitación, pero que se convertera en todo o problema para a Industria musical.
Dende a división de anti-piratería da Federación Internacional da Industria Fonográfica (IFPI) aseguran que «OiNK era unha central para a distribución pola Rede de música antes do seu lanzamento» e non se trataría dun grupo «de amigos compartindo música por pracer» senón que sería unha rede mundial de distribución musical sen respectar os dereitos de explotación as obras.
Esta operación policial internacional concretouse na detención en Middlesbrought dun mozo de 24 anos ó que se responsabilizaba da web de descargas mediante BitTorrent, e o peche dos seus servidores en Amsterdam.