Os vídeos do descarrilamento de Angrois, o máis visto do mes en YouTube a nivel español
venres, 2 de agosto do 2013
O mes
de xullo chegou ao seu remate e co seu fin os responsábeis do blog
Vidas
Virales de El
País puideron confeccionar a listaxe
dos vídeos máis vistos en España neste mes que se vén de
despedir. Por desgraza, os tres vídeos máis visualizados en xullo a
nivel estatal son os relacionados co tráxico accidente de tren
acontecido en Santiago de Compostela, cremos que non é preciso
lembrar unha vez máis esas arrepiantes imaxes, polo que non
achegamos a ligazón ás mesmas. Cambiando completamente de rumbo, no
cuarto
posto -con case 2 millóns de reproducións-
atopamos un vídeo no cal o protagonista e un rapaz entregado en
corpo e alma á canción que soa e dándoo todo no baile que se amosa
no vídeo en cuestión. A responsábel desa captura é a irmá do
bailarín...
No
quinto lugar da listaxe temos o novo anuncio de Espetec
Casa Tarradellas; un anuncio simpático sen
nenos perfectos e familia ideal; iso si, non falta a masía catalá...
Uns postos máis abaixo atopamos algo de música: o tema Princesa
do actor e agora cantante Iván
Martín. Máis dun millón de persoas puideron
gozar da voz robótica deste tema que conta con rimas tan traballadas
como: “Non son alguén impactante e
menos alguén abraiante”. Para
rematar, as primeiras imaxes do agardado Gran
Theft Auto V.
Haberá que agardar até o 15 de
setembro para poder probalo, pero co gameplay
que deixamos aquí podedes ir facéndovos unha idea do que traerá
esta saga.