Os usuarios de FON poderán agasallar ós seus amigos con routers de balde
venres, 22 de decembro do 2006
A
iniciativa de Martín Varsavsky para crear unha rede global baseada en tecnoloxía
Wi-Fi, FON, celebra o Nadal dun xeito
sorprendente: agasallando ós seus máis de 200.000 membros rexistrados con
invitacións para convidar a outros usuarios a pertencer á rede FON (ós que se
lles remitirá de balde un router Wi-Fi coñecido coma Fonera).
A campaña emprega o lema Fonero Gets Fonero
e pretende aproveitar a forza da súa comunidade para o seu espallamento mundial
baseándose nunha especie de campaña de márketing
viral que parece estar dando bastante bo resultado considerando a atención
que está a captar este interesante proxecto.
Varsavsky afirma
que esta campaña “é coma un agasallo para
a Comunidade” de xeito que empregan esta campaña para agradecer ós seus
foneros a súa confianza e o seu
compromiso.