Os usuarios de Blogaliza xa poden achegar notas ós seus cadernos vía móbil

As ferramentas da información aseméllanse cada vez máis ás cousas que adoitamos a levar nos petos. Tanto na feitura como –sobre todo- no fondo. Isto vén a conto pola extensión que vén de desenvolver Goretoxo (atopada esta mañá de luns vía Chuza) e que se apoia sobre WordPress para achegarnos en Blogaliza a posibilidade de controlar o blog dende o móbil. Dito doutro xeito: permítenos mandar notas ó caderno persoal a través de mensaxes de texto. Ou sexa: a distancia e tirando partido da inspiración que xorde, ás máis das veces (que lle imos facer) lonxe da pantalla de computador.
O único que se pide para facer emprego desta ferramenta, amais da que haxa cobertura, son estes requisitos: ter un caderno en Blogaliza e solicitar a nosa alta ó administrador
A característica, que xa está operativa tamén en Chuza! posibilitando o envío de “chíos” a través dun número normal de teléfono, é segundo apunta o propio Goretoxo “de moi baixo custe tanto para usuarios como para o sistema, permitíndonos facer apuntos no noso blogue estando en case calquera sitio”.