Os piratas galegos únense á Confederación Pirata para presentárense ás europeas
luns, 11 de novembro do 2013
As
agrupacións pirata de todo o Estado, incluída
a galega, veñen de
unir forzas para dar forma á Confederación
Pirata,
fronte xeral coa que
queren concorrer, a través dunha candidatura única, ás eleccións
ao Parlamento Europeo. E farano xunto cos demais grupos de toda Unión
Europea, os European
Pirates, que
acudirán aos comicios cun programa común en tódolos países. Este
programa está a día de hoxe en preparación (estase a desenvolver a
xeito de wiki
colaborativa cun uso a esgalla das novas ferramentas por parte de
cidadáns da todo o ámbito da UE, como non podía ser doutro xeito
no seo dunha fronte política xerada ao abeiro da Rede e do espírito
que alenta a súa parte máis cooperativa).
A
confederación, segundo
nos informan os Piratas de Galicia, está
formada por nodos en todo o territorio e
funciona xa
de xeito plenamente horizontal. Os
obxectivos compartidos son os mesmos cós das súas diferentes
partes: garantir os Dereitos Humanos, a transparencia e a
participación cidadá, facendo especial fincapé nunha Rede
universal, igualitaria, libre e accesíbel para asegurar esa
transparencia e esa participación. "Esiximos
democracia directa e transparencia en todos os niveis da Unión
Europea, dende o Parlamento Europeo ata os concellos",
explica Isabel Fernández, voceira dos Piratas
de Galicia.
Lembrar que
o movemento pirata
naceu en 2006 en Suecia. Na actualidade está presente en 68 países
artellándose en Europa como os
devanditos European
Pirates,
fronte integrada
por preto de 100.000 persoas de 34 países, e con representación no
Parlamento Europeo, cámaras estatais, rexionais e concellos, sendo
especialmente visíbel
na Alemaña, Suecia, República Checa e Islandia. A
Confederación, cóntanos Ángel Vázquez, dos Piratas
de Estremadura,“é
a unión de asembleas horizontais, con democracia de base e sen
xerarquías que impoñan ou restrinxan a liberdade dos seus membros,
transparentes e que enarboran a bandeira dos Dereitos Humanos”. E
conclúe: “Somos cidadáns organizados contra a partidocracia, a
corrupción e os recortes en dereitos sociais”.
Polo que
respecta aos traballos e loitas concretas desenvolvidas ao longo dos
últimos anos, dicir que os
membros da Confederación
Pirata teñen
denunciado certas
barreiras electorais con Yo
Avalo,
plataforma compartida con
todos os partidos respectuosos co ideario pirata, “e gracias a
este labor puidéronse canalizar
os avais de decenas de miles de persoas, permitindo participar nas
Eleccións Xerais do 2012 a outros 32 partidos, entre eles EQUO
e Escanos
en Branco”.
Por outra banda,
evitaron o bloqueo de Wikileaks, forneceron
métodos seguros de comunicación para os activistas da Primavera
Árabe,
denunciando as reformas do Código Penal de Gallardón, o canon
dixital
ou a lei Sinde-Wert, e tamén os casos de espionaxe da NSA publicados
por Edward Snowden e Wikileaks con AntiPRISM
e achegado
solución ás dificultades para mercar libros escolares por parte de
moitas familias coa iniciativa Parents2Parents.
“A mais disto”,
informan, “tamén desenvolvemos
ferramentas de participación cidadá, usadas por outros colectivos e
partidos como Liquid
Feedback,
empregada polo movemento italiano Movemento
5 Stelle”.
Esta filosofía é a que inspira o funcionamento da Confederación
Pirata e é ofrecida a toda ONG, sindicato ou partido que respecte os
dereitos fundamentais e a participación cidadá.