Os drons de Aerocamaras retransmitirán en directo a apertura do Ecoystems2030 en PALEXCO
martes, 31 de maio do 2022
Os
drons da firma galega Aerocamaras
estarán presentes na apertura da segunda edición do
evento de innovación tecnolóxica Ecosystems2030, que se celebra en
PALEXCO (A Coruña) esta semana: os días 2 e 3 de xuño.
Aerocamaras retransmitirá cos seus aparellos un “espectacular voo
único en directo polos interiores do recinto”, sinalou a empresa
con sede en Lalín.
Esta
será unha das novidades da xornada inaugural da segunda edición
deste cume tecnolóxico de relevancia internacional, que reunirá na
Coruña a medio centenar de empresas mundiais de primeira liña e
expertos de compañías tecnolóxicas como Google, Amazon, Samsung,
IBM ou Siemens. O obxectivo non será outro que “analizar a
influencia da Intelixencia Artificial, a robótica, a Realidade
Aumentada ou os vehículos aéreos autónomos, entre outras novas
tecnoloxías que transformarán a sociedade nos vindeiros 10 anos”.
A
intervención de Aerocamaras
Durante
o evento tecnolóxico, a galega Aerocámaras porá a voar as súas
drons para transmitir en directo imaxes aéreas en alta definición.
“Este”, sinalan dende a empresa galega, “será un exemplo
práctico de como a tecnoloxía de vehículos aéreos non tripulados
está a revolucionar diferentes industrias e sectores, como por
exemplo o audiovisual”.
Jaime
Pereira, director executivo de Aerocamaras, sinala que “as
gravacións que farán os nosos drons serán inéditas, utilizando a
nova tecnoloxía FPV, que permite gravar os voos aéreos con visión
en primeira persoa. Como patrocinador do Ecosystems 2030 queremos
sorprender a todos os asistentes cun espectacular percorrido en
directo polo exterior e interior de PALEXCO. Os vehículos aéreos
sobrevoarán o impresionante edificio e coaranse no Auditorio Gaivota
impactando aos asistentes ao congreso. Os relatores e convidados
poderán seguir en directo este percorrido a través dos ollos
dos nosos drons nas pantallas do congreso”.