Optenet e Mambo Technology unen forzas para mellorar a seguridade web das empresas
venres, 15 de maio do 2009
Mambo Technology, maiorista de valor engadido especialista en
novas tecnoloxías, e Optenet, multinacional española provedora de solucións
integradas de seguridade web e correo electrónico, veñen de asinar un acordo de
distribución polo que melloran a súa posición no mercado (español e portugués)
e incorporan solucións integradas de
seguridade, máis innovadoras e eficaces, para cubrir as necesidades de
seguridade informática que cada compañía precise.
O principal obxectivo desta
alianza é permitirlle a Mambo Technology incorporar ao seu portfolio as solucións integradas de seguridade de Optenet para
proveedores de servizos de Internet, telecomunicacións móbiles e grandes
empresas.
Grazas a esta unión, o maiorista
ofreceralle aos seus clientes toda a gama de produtos de seguridade web e
correo electrónico para entornos corporativos da familia Optenet Solutions for the Enterprise (Optenet WebFilter™, Optenet WebSecure™, Optenet MailSecure™ e Optenet NetSecure™), así como a súa
recentemente mellorada suite de
seguridade para provedores de servizos e operadoras móbiles, Optenet Solutions for Telco, así como os
produtos incluídos na familia Optenet
EndPoint Solutions, enfocados ao usuario final.
Á súa vez, o fabricante poderá
incrementar e reforzar a súa rede de partners
certificados en toda a Península Ibérica, principalmente en zonas periféricas
da Comunidade de Madrid, onde Mambo ten unha gran presenza.