Oceans achega de balde o Samsung Galaxy S III mini a quen contrate este Nadal a súa tarifa Mega 25
mércores, 26 de decembro do 2012
O operador galego Oceans
ten entre mans unha promoción estrela para este Nadal. Segundo nos
conta esta empresa da Coruña, a promoción consiste na achega, de
balde, do novo Samsung
Galaxy S III mini para os clientes que contraten a tarifa Mega 25
de Oceans. Esta tarifa, lembraremos, ofrece por 25 euros até 100
minutos en chamadas, 300 mensaxes de texto (SMS), 5 Xb de datos e
máis os servizos multiSIM e VoIP. A maiores, informa Oceans, é
posíbel ampliar o a liña de datos até 10 Xb, “pagando só 5
euros máis co módulo adicional”.
Polo que respecta ao
aparello de Samsung incluído na promoción, dicir que se trata da
evolución natural do Galaxy S III, só que nun tamaño máis
reducido, cunha pantalla de catro polgadas, pero mantendo
funcionalidades e características previas como o sistema Android
Jelly Bean, Pop Up Play, Direct Call, S Voice ou Smart Alert. Segundo
nos advirte Oceans, cómpre ter en conta que este aparello, en
circunstancias normais, coa tarifa Mega 25 e sen oferta de promoción
de Nadal, tería un custe de 129 euros. Dende Oceans tamén lles
recomendan aos clientes que non deixen para mañá a contratación do
dito paquete, xa o número de unidades é de 1.000, e a campaña
durará até que se esgoten (e tendo en conta o tirón destes
trebellos, non será unha campaña moi longa). Para contratala,
engaden, hai que chamar ao servizo gratuíto de atención ao cliente
da empresa: 900 200 210.