O₂ estreará o Dell Streak no Reino Unido

Imaxe do dispositivo publicada por Engadget

Durante varios meses son moitos os rumores sobre o lanzamento dun MID de Dell, que finalmente verá a luz en xuño baixo o nome de Dell Streak, e será un dispositivo con pantalla capacitiva de 5 polgadas cunha resolución de 800 x 480 píxeles, procesador Qualcomm Snapdragon a 1 GHz, 16 Gb de memoria interna (ampliable mediante tarxetas microSD de ata 32 Gb), cámara de 5 Mpíxeles con enfoque automático e flash LED dual, Wi-Fi, Bluetooth, GPS, HSDPA e sistema operativo Android (posiblemente a versión 2.2). A compañía que iniciará a comercialización do dispositivo curiosamente será a británica O₂ (que venderao directamente ou a través das tendas de Carphone Warehouse), polo que non sería de sorprender que chegase pronto a España a través de Movistar, mentres que nos EE.UU. está confirmado que chegará a finais do verán.
O máis rechamante deste trebello é que, pese a ser un MID, conta con conectividade móbil 3G, de xeito que hai quen o podería considerar un smartphone, pero o seu tamaño parece demasiado grande para poder situalo dentro de tal categoría de produto.

Vídeo de presentación do Dell Streak