O virus MMS Bomber afecta a máis dun millón de móbiles chineses
luns, 5 de abril do 2010
O Centro de
Coordinación de Respostas de Emerxencia da Rede de China advertiu aos usuarios
de que o
virus MMS Bomber está a propagarse de
xeito masivo entre terminais móbil baseados na terceira edición de Symbian S60
(ou sexa, principalmente a móbiles de alta gama de Samsung e Nokia) afectando a
máis dun millón de móbiles.
O virus disfrázase de aplicación e,
ao instalarse, remite por MMS aos contactos da axenda do móbil ligazóns que
permitan a descarga do virus para a súa propagación, o que supón unha molestia
a varios niveis (entre os que está o económico, pois pode engordar
considerablemente a factura do móbil).
