O servizo de urxencias sanitarias 061 renova a súa páxina web
luns, 21 de maio do 2012
A Fundación
Pública Urxencias Sanitarias de Galicia-061 estrea unha nova páxina web cun deseño máis dinámico
baseado nunha modernización da imaxe e adaptada a realidade tecnolóxica actual.
A través de esta nova web está dispoñible un servizo de consulta en liña, para
que a cidadanÃa poida trasladar cuestións sobre temas de saúde non urxentes aos
profesionais médicos do 061, como vÃa alternativa aos números teléfono 061 e
902 400 116.
Os contidos
abranguen dende información institucional sobre a Fundación Pública Urxencias
Sanitarias de Galicia-061 e os diferentes servizos que ofrece a poboación
galega, ata un apartado onde están dispoñibles en formato dixital as memorias
de actividade dos últimos anos e tamén o catálogo de publicacións da Fundación.
Ademais, navegando a través das diferentes pestanas os internautas tamén poden
acceder a información sobre os programas de investigación que se atopan en
funcionamento dende a Fundación Pública Urxencias Sanitarias de Galicia-061 e
atopar a oferta de actividade do Centro de Formación en Medicina de Urxencias,
Emerxencias e Catástrofes de Galicia.
Un dos aspectos
máis importantes para o 061 de Galicia son os mecanismos dos que está dotada a
páxina que permiten unha actualización da información dun xeito áxil e directo.
A web é accesible mediante diferentes navegadores e se deseñou tendo en conta
as necesidades especiais de persoas con discapacidade, seguindo os estándares
de accesibilidade Web Accessibility
Initiative WAI-A e WAI-AA.
Ademais, esta
nova páxina web está pensada para que o acceso dende dispositivos móbiles sexa
óptimo, asà como que ofreza a posibilidade de acceder mediante programas
lectores de noticias RSS; e as súas entradas tamén presentan ligazóns para
compartilas utilizando Facebook ou Twitter.