O servizo de encontros mobifriends.com supera o medio millón de usuarios
martes, 16 de xullo do 2013
Malia a que está caendo,
económica e politicamente, a xente está máis que nunca nas
comunidades en liña e, dun xeito particular, nos sitios de
encontros. Se cadra, para atoparlle unha explicación a isto, abonda
con facer unha pequena variación na dita frase. Recapitulemos entón:
por mor da que está caendo, a xente está máis que nunca nos sitios
de encontros. Buscamos un ombreiro no que chorar? Pois posiblemente,
pero tamén é certo que hai máis motivos: por exemplo atopar alguén
que, a diferenza dos medios de comunicación (inzados de intereses
económicos e informacións intragábeis do eido do corazón), fale
na nosa mesma linguaxe ou frecuencia. Isto é o que quere ofrecer un
dos servizos web que semella experimentar máis crecemento,
mobifriends.com, que
segundo indican os seus responsábeis, xa superou o medio millón de
usuarios.
Para os promotores deste
servizo, en tempos coma estes é un feito que se incrementa o deseño
de coñecer xente ou buscar parella estábel. “De feito”,
explican, “así o demostran as cifras de Mobifriends, o portal
gratuíto de encontros que recentemente vén de superar o
medio millón de usuarios rexistrados”. Ao seu xuízo, Internet
e concretamente estas páxinas de encontros foron unha revolución e
convertéronse nun espazo facilitador para que a xente poida
relacionarse, compartir afeccións ou facer amizade con outros
usuarios igual que se o fixesen nun bar ou unha discoteca. Pero aínda
van máis alá do devandito: consideran que servizos como os que
ofrece mobifriends son case inmunes á recesión. E máis tendo en
conta que se trata dunha web de balde “que ofrece recursos de
calidade e garanten a protección e seguridade dos datos persoais do
usuario”, comentan.
Na actualidade
mobifriends.com, que segue sumando usuarios e está presente en 33
países entre os que se atopan España, México, Colombia, Arxentina,
Perú, Venezuela e Estados Unidos.
O portal, creado en
Barcelona e que conta cunha patente internacional, é un servizo para
coñecer xente gratis a través de Internet e o móbil, e está
dispoñíbel en español, catalán e inglés. A través desta web o
usuario pode ligar, buscar parella gratis, facer amigos ou buscar
persoas coas mesmas afeccións. O servizo permite tamén enviar
mensaxes e mobis (divertidas mensaxes animadas), chatear con
texto, e verse e ouvirse coa webcam e o micrófono no vídeo
chat.