O navegador Google Chrome alertará da inseguridade das comunicacións das páxinas sen https://
luns, 12 de setembro do 2016
Para mellorar a seguridade na web dende Google decidiron que
o navegador Chrome vai tomar medidas drásticas contra as páxinas web que teñen
sistemas de identificación de usuarios que non empreguen conexións seguras, ou
sexa, que a partires da versión 56 de Chrome (prevista para o mes de xaneiro)
xa non haberá que fixarse se unha páxina web ten o prefixo https://, ou
presenta a icona dun cadeado en cor verde, senón que se unha páxina web pide
contrasinais ou números de tarxeta de bancaria a través de conexións http sen
cifrar xa non se considerarán neutrais,
senón que xunto ao enderezo da páxina web indicarase
textualmente que a páxina web en concreto non é segura.
De feito, avisan coa debida antelación para que os responsables das páxinas web
que poidan verse afectadas tomen medidas e aposten polo uso de comunicacións
seguras, como xa fan actualmente a metade das páxinas web ás que os usuarios acceden
a través de Chrome.
Dado que os usuarios que usan Chrome en modo incógnito, confiando en que a
seguridade da súa navegación sexa máis privada, a advertencia que estará
presente no navegador será aÃnda máis rechamante, de xeito que realizarse con
letras en cor vermello é cunha icona dun triángulo de alerta, de xeito que os
usuarios serán máis conscientes de que as súas comunicacións poden
interceptarse na Rede sempre que non se cifren debidamente.