O grupo DOC-MEET de Físicas debatirá este xoves sobre os motores de busca

O grupo de posgraduados da Facultade de Física da USC (DOC-MEET) que se reúne unha vez ao mes para levar a cabo unha charla na que intercambiar e debater coñecementos de diversa índole, vén de escoller os Motores de busca na Rede como tema a tratar na vindeira xuntanza.
A xornada, que deberá impartirse exclusivamente en inglés, terá lugar este xoves na aula 140 do centro, e nela intervirá o enxeñeiro informático pola UDC e enxeñeiro técnico en sistemas informáticos pola USC, Ronald Teijeira Fernández, que está a piques de rematar a súa tese doutoral no Departamento de Electrónica e Computación de Santiago de Compostela.