O fraude en liña custoulle á banca 50 millóns de euros o ano pasado
luns, 8 de xaneiro do 2007
Os internautas, xa que os males compartidos disque afianzan as ligazóns,
probablemente esteamos máis unidos agora ca hai uns anos, porque todos
(absolutamente todos) andamos hoxe en dÃa a arrastrar unha mesma bola de ferro
con cadea apertada no nocello: a do phishing.
Vale: é máis ou menos doado recoñecer estes intento de atraco para un
internauta con certa experiencia, pero que pasa cos acabados de chegar? Como
saben que non deben dar os seus datos bancarios a unha entidade que se asemella
abondo ó que poderÃa ser unha entidade bancaria enviando correos na Rede?
Sexa como sexa, o internauta non é o único ó que lle toca levar unha cruz. O
sector da banca tamén ten a súa, desta vez con feitura de cifra: 50 millóns
de euros. Esta é a cantidade de cartos que perderon os bancos ó longo de 2006
por mor da práctica do phishing,
segundo datos achegados pola Asociación de Internautas (en total, neses doce
meses, foron rexistrados até 705 ataques a bancos e caixas de aforro).
Este tipo de fraude en liña (roubo de datos persoais das contas dos
internautas) amosouse especialmente virulento con entidades como Caja Madrid,
Banesto e Santander, seguidas moi de preto (agora si) por empresas de menor
envergadura, como Caja El Monte ou Banco Guipuzcuano (ninguén se libra).
Isto trouxo consigo, entre outras consecuencias, que moitos deses bancos
decidiran delegar en firmas de seguridade informática a loita contra este tipo
de fraude e, tamén, informar máis polo miúdo ós seus clientes do risco que leva
consigo dar os seus datos a calquera que chame á súa porta, por moito que todo
indique que se trata dun traballador da empresa.