O lector de e-books de Sony poderá acceder a medio millón de libros de balde

Google Books conta na súa plataforma con máis de medio millón de libros de dominio público que poden consultarse de balde a través da Internet, e aproveitando este inmenso catálogo de obras libres de dereitos de autor dende Sony chegou a un acordo con Google para ofrecer estas obras en formato ePub para a súa lectura nos seus lectores de libros electrónicos Sony Reader.
Os documentos adaptáronse para estar correctamente aliñados e formatados para os Sony Reader, algo que non sempre garante a versión en PDF dos textos en Google Books, e supoñen unha interesante achega ao catálogo de libros para o lector de Sony, gañando así atractivo para os usuarios, que poden acceder a moitos máis contidos de balde.