O curso de Vitae sobre Microsoft Power BI chega este outubro á súa novena edición
martes, 13 de setembro do 2022
Entre
os principais tesouros dunha organización empresarial atópanse sen
dúbida os datos. Isto foi sempre así, pero no tempo que estamos a
vivir, de revolución informativa, a máxima cobra aínda máis
relevancia. Porén, como tantos outros activos empresariais, os datos
non serven de moito senón están ben xestionados, habilitados,
compartidos, protexidos e empregados. Ferramentas das que podemos
botar man para lograr un tratamento da información empresarial o
máis eficaz e rendíbel posíbel hai moitas e variadas, pero Vitae
Consultores, como de costume, ofrécenos unha reposta segura, cómoda
e inmediata: o curso Microsoft
Power BI: Modelado e Análise de Datos que chega á súa novena
edición este mes de outubro. Celebrarse os días 17, 18, 19, 20, 24,
25, 26 e 27 de outubro.
O
curso bota luz sobre un dos recursos máis destacados e populares dos
que podemos botar man para tomar as mellores decisións nos negocios:
Power BI, unha solución formada por un conxunto de ferramentas que
permiten obter datos de moi diversas fontes, integralos e convertelos
logo en información útil e rendíbel que pode ser compartida en
eficaces ferramentas de visualización e colaboración.
Segundo
explica Vitae, esta actividade formativa ten por obxectivo introducir
aos asistentes no manexo da ferramenta de Business Intelligence
Microsoft Power BI. “A partir de diferentes orixes de datos
aprenderemos a crear auténticos cadros de mando que nos axudarán na
toma de decisións”, sinala a consultora, poñendo o foco nas
posibilidades complementarias do Power BI Dekstop como método de
axuda para obter a información, analizala e representala
graficamente. “Arrincaremos cunha introdución á Intelixencia nos
Negocios e coñeceremos todo o contorno Power BI (dekstop, servizo,
aplicacións móbiles) e faremos as primeiras transformacións sobre
un proxecto rematado para familiarizarnos co programa, e deste xeito,
ter un enfoque global que nos servirá para debuxar o camiño na
formación”, sinala Vitae debullando o que sería a introdución do
curso, que abordará de cheo cuestións como a integración de datos
con Power Query; a creación de gráficas, tarxetas, mapas ou
visualizacións, ou as metodoloxías para compartir os informes
creados e crear apps de visualización.
O curso será
impartido por Juan Naya, enxeñeiro industrial e profesional con máis
de 10 anos de experiencia en postos de responsabilidade dentro das
áreas de produción, planificación e loxística. Trátase dun
experto en materia de datos e xestión. Na actualidade ofrece
solucións profesionais a medida e formacións de alto valor engadido
das principais ferramentas de análise da información de Microsoft,
como Excel e Power BI. Entre as empresas e entidades que asesorou ou
formou atópanse Inditex, o Grupo Profand, a Autoridade Portuaria de
Avilés, o Grupo Pérez Rumbao, Inturasa, Galuresa, EimSkip, Altrans,
Televés, CivisGlobal, Todos Gómez ou Grupo Babé Logística. Está
certificado por Microsoft como Microsoft Excel Expert e Data Analyst
Associate.