O congreso InLugo redobra participación e deixa fonda pegada nas redes sociais
luns, 9 de xuño do 2014
Finalmente celebrouse a
nova edición do Congreso de Cultura Dixital e Redes Sociais,
#InLugo14, un evento que veu da
man da Deputación e que, segundo informa o organismo provincial,
“foi quen de redobrar o éxito de participación e seguimento
acadado na primeira entrega, consolidándose deste xeito como
escaparate único para proxectar a provincia no exterior”. Para
facérmonos unha idea da pegada deste evento, dende o primeiro intre
(as catro horas da sesión de apertura) foi quen de converterse en
trending topic a nivel español na rede social Twitter, amais
dun dos temas máis comentados no seu momento (case 400 usuarios da
dita rede usaron a etiqueta InLugo, con máis de 1.500 aparicións e
até 4 millóns de impresións).
A
maiores, a Deputación informa tamén que a retransmisión en
streaming
das conferencias rexistrou máis de 1.500 entradas, con subas de 160
persoas conectadas ao
mesmo tempo durante o
relatorio do
xornalista, escritor e correspondente
de guerra Ramón Lobo, que
segundo engade o organismo provincial foi o acto que acadou máis
poder de convocatoria. Outro punto que suscitou gran interese foi o
desenvolvemento este sábado
de Lugo na Rede, unha sesión na que se deron a coñecer cinco
empresas e proxectos ligados a Internet. Participaron
Elio Laureano, de Didimox; Hugo Iglesias, de Miramar Cruceiros
e
Nudoss; Rubén Pérez e Kathryn Phillips, Don´t
be a foreigner;
Santiago Martínez, Ocio en Galicia - Ocio en Lugo; e Tamara Raposo,
xornalista e experta
en coordinación de comunidades dixitais. Tamén
acadou moita atención na mañá da segunda xornada de actividades (a
xornada deste sábado) o relatorio de Juan García, director de
AdamaWeb e
editor de Blogoff, galardoado polo xornal
20 Minutos como mellor blog de tecnoloxía 2007 e segundo
premio Bitácoras 2011, que
falou en
detalle sobre
alfabetización
dixital.
- Cerimonia de entrega de premios de InLugo
Por
outra banda, informar tamén que na segunda xornada de actividades
entregáronse os Segundos
Premios InLugo, cos que a organización quixo recoñecer as
iniciativas, persoas ou organizacións da provincia que estean
a salientar
“no bo uso de Internet e as novas tecnoloxías en diferentes
ámbitos de actividade”. O xurado, formado por membros da
Deputación, deixou o palmarés da seguinte maneira:
· Comercio, lecer e
restauración
Mi
pequeño vestidor
· Educación e formación
Karma
y yoga
· Cultura e sociedade
Cool
Films Galicia
· Tecnoloxía
Vamos
a vidas
