O coñecemento na era tecnolóxica, polo miúdo en Santiago nas xornadas Digitalia Humanistica
venres, 28 de febreiro do 2020
Santiago
de Compostela acollerá do 11 ao 13 de marzo as xornadas Digitalia
Humanistica, organizadas polo Instituto de Estudos Galegos Padre
Sarmiento, centro mixto do Consello Superior de Investigacións
CientÃficas (CSIC) e da Xunta, coa colaboración do Centro de
Supercomputación de Galicia (CESGA) e o patrocinio das empresas Atos
e NetApp. O programa de actividades inclúe 18 relatorios
distribuÃdos en tres xornadas. Nelas abordaranse distintas
temáticas: o concepto e as diferentes formulacións das humanidades
dixitais, o impacto na era tecnolóxica nos arquivos, a presentación
da experiencia e as oportunidades do CESGA nas tecnoloxÃas
computacionais ou o desenvolvemento e resultados de diferentes
proxectos neste ámbito cientÃfico. As xornadas están dirixidas a
investigadores, profesores, técnicos, estudantes, empresas e
profesionais TIC. Son de entrada libre sen previa reserva.
As
actividades estarán coordinadas por José Antonio Berenguer
(ILC-CSIC), Pablo Otero Piñeyro Maseda (IEGPS-CSIC-XuGa) e Emilio
Abad Vidal (CESGA). Na inauguración, prevista para o mércores 11 de
marzo ás 9.30 horas, participarán a directora da axencia GAIN,
Patricia Argerey, o director do CESGA, Mauro Fernández Dabouza, e o
director do IEGPS, Eduardo Pardo de Guevera y Valdés.
As
xornadas desenvolveranse na sede do IEGPS, no Hospital de San Roque
en Santiago. Concluirán cunha mesa redonda titulada Posibilidades,
problemas e desafÃos inmediatos das humanidades dixitais. Os
relatores proceden de institutos de investigación do CSIC, CESGA, da
Xunta de Galicia e de diversas universidades (Santiago de Compostela,
A Coruña, Autónoma de Barcelona, Politécnica de Valencia,
Complutense e Politécnica de Madrid, Viena, Cambridge), Fundación
Ignacio Larramendi e Instituto Andaluz de Patrimonio Histórico.