O concurso coruñés A Maxia da Robótica entrega os seus galardóns
martes, 1 de decembro do 2020
Finalmente
celebrouse
o pasado venres, no centro Ágora e con aforamento limitado, a final
do concurso A Maxia da Robótica, organizado polo Concello da
Coruña e máis a entidade divulgación Igaciencia. Ao abeiro deste
último capítulo do certame, Jorge Gómez García, alumno de 4ª da
ESO do IES Agra do Orzán, logrou o primeiro premio do concurso
concedido polo Concello da Coruña. Coordinou a actividade neste
centro a profesora Mª Jose Martínez Rey .
O
segundo premio do Concello recalou en Daniel Güeto Sandás, un
alumno de 1º de Bacharelato do IES Menéndez Pidal. Da coordinación
da actividade neste centro encargouse a profesora Paz Freire Campo.
O
Concello da Coruña concedeu dous premios de material por valor de
300 euros aos dous centros do termo municipal que obtiveron a mellor
puntuación, un en cada unha das categorías.
Pola
súa banda, Igaciencia concedeu o seu galardón a Adrián Barcia
Mosquera de 4º da ESO do IES Carvalho Calero de Ferrol, cuxa
coordinación da actividade correu a cargo da profesora Mª Anxos
Ruiz-Matas García. O premio consistiu nun equipo LEGO NXT (válido
para programar con EV3).
Á
cerimonia de entrega asistiron o concelleiro de Educación, Jesús
Celemín Santos, e o presidente de Igaciencia, Manuel Díaz Regueiro.