O catálogo patrimonigalego.net supera os 3.000 rexistros en só dous anos de vida
luns, 4 de marzo do 2013
O
acubillo web de bens culturais patrimoniogalego.net
segue a cumprir co
obxectivo fundamental co que naceu: documentar, rexistrar e amosar a
riqueza dos nosos inmóbeis en calquera das súas moitas
manifestacións para que quede constancia deles antes de que a ruína
avance e o desleixo das administracións e da cidadanía (cunha parte
dos propietarios, non todos, dándolles as costas, ben sexa por falta
de interese ou falta de orzamentos) faga o resto. Con todo, tamén
hai que sinalar que outra das finalidades desta web, impulsada en
parte polo noso compañeiro Manolo Gago, é visualizar a importancia
das cousas para recuperalas e poñelas en valor. Polo de agora, o
rumbo do portal semella ser o axeitado, e tanto que é así: xa se
acadou o rexistro de 3.000 bens culturais inventariados.
Como
lembraremos, estamos ante o meirande catálogo social en liña dos
nosos bens cultuarais, e co valor engadido (no que a consecucións de
cifras e participación se refire) de ter sido posto marcha hai só
dous anos.
Detrás
desta iniciativa tan necesaria (polo que ten de medida tecnolóxica e
colectiva contra o esquecemento), está unha comunidade cada vez máis
nutrida de colaboradoras/es. Como
curiosidade, dicir que a ficha
número 3.000 corresponde á igrexa mosteiral de San Salvador de
Vilaza, no concello de Monterrei. O seu autor é Xabier Moure, “un
novo catalogador aínda que dos máis activos nos últimos meses, con
máis de trescentas fichas no seu haber”,
informan
os creadores deste acubillo patrimonial en liña.
Outros catalogadores que tamén superan o cento de bens inventariados
son Elixio Vieites, Xosé
Troiano e
Gavilanes67 -con máis de catrocentos cada un-, Óscar Franco,
Xandlinathry, Xokas ou Manuel Rial.
Patrimoniogalego.net
xorde directamente da filosofía-metodoloxía da participación
cidadá a través das redes, ou sexa, do arrexuntamento de moitas
mans para facer o que doutra maneira, cada unha por separado, sería
inviábel. Isto aplícase a nivel internacional en plataformas de
loita social como Change.org, Avaaz ou tamén nun servizo galego do
que falamos varias veces na nosa web e que se encamiñada a pór freo
á vaga de desafiuzamentos a través do traballo colectivo en liña:
Doafund.
Volvendo
a patrimoniogalego.net, dicir que a día de hoxe xa contabiliza máis
de cento oitenta mil visitas por páxina e un número de usuarios que
día tras día vai a máis. “Do
seu correcto funcionamento”,
informa
o equipo do catálogo,
“ocúpase
un grupo de profesionais de distintas disciplinas que decidiron sacar
adiante este proxecto de xeito altruísta e desinteresado”.
Coordina o grupo o divulgador e profesor da USC Manuel Gago, quen
tamén se ocupa do deseño e do mantemento da web xunto con Eladio
Rial, mentres que o corpo de Produción está formado por Milagros
Bará, Álex Bragaña e Soledad Felloza. En canto ao devandito corpo
de Edición, intégrano Adela Oyonarte, Franjo Padín, Carmela
Sánchez Arines, Xosé Gago e Elixio Vieites. Das cuestións
xurídicas ocúpase o avogado Bernardo Dios, e finalmente os
xornalistas Xurgo Salgado e Félix Aragunde son os responsábeis
do gabinete de Comunicación.