O alumnado de ensino obrigatorio terá formación en robótica e programación no curso 2020/21
xoves, 14 de setembro do 2017
Alberto Núñez Feijoo avanzou hoxe na rolda de prensa do Consello
da Xunta que a Estratexia galega para a educación dixital, Edudixital 2020, terá
como obxectivos centrais que no curso 2020/21 todo o alumnado do ensino
obrigatorio teña acceso a formación en robótica e programación; asà como
acabar coa fenda de xénero nos estudos STEM, isto é, de ciencia, tecnoloxÃa,
enxeñarÃa e matemáticas.
Entre as principais medidas que se van implantar para acadar
este dobre obxectivo, Feijoo destacou as seguintes: a extensión dos kits de
robótica a todos os centros de ensino obrigatorio, a creación do bacharelato de
excelencia en ciencias e tecnoloxÃa, a posta en marcha dos Espazos Maker como
zonas de creación cientÃfica e a mellora do sistema de libro dixital, con máis
centros, mellor conectividade, mellores equipamentos e mellores contidos.
Nesta liña, lembrou que nos últimos cursos foron
incorporándose aos currÃculos novas materias de libre configuración autonómica
como Robótica, Programación ou Identidade dixital, que debuta este curso.
Paralelamente, durante o curso pasado repartÃronse kits de robótica,
programación e impresión 3D en todos os centros de secundaria. Deste xeito,
hoxe xa hai 12.000 alumnos implicados nalgunha acción de formación
cientÃfico-tecnolóxica e máis de 750 kits de robótica despregados.
Como primeira grande medida do plan, o presidente da Xunta
explicou que durante o ano académico que está comezando se levarán os kits de
robótica a 120 centros de primaria e se ofrecerá ao profesorado un plan de
formación especÃfico para coñecer mellor estes novos recursos.
«O obxectivo, no horizonte 2020/21, é que todos os centros
de primaria dispoñan de kits de robótica e programación, para que os galegos
desde a primaria aprendan a destreza nestas disciplinas», incidiu o presidente
da Xunta.
Bacharelato de excelencia en ciencias e tecnoloxÃa
En relación á segunda gran iniciativa: a posta en marcha do
bacharelato de excelencia en ciencias e tecnoloxÃa, o presidente precisou que os
mozos que o cursen terán unha materia extracurricular semanal, de dúas ou tres
horas, dedicada a afondar no seu coñecemento sobre as materias STEM.
«En lugar de 32 horas lectivas, pasarán a ter 34 ou 35,
ademais de participación en charlas, obradoiros ou cursos», aseverou, ao que
engadiu que o alumnado deberá realizar, ao longo de dous cursos, un traballo de
investigación semellante aos traballos de fin de grao e deberán facer unha
defensa pública do proxecto, que será avaliado por unha comisión.
Ao final da etapa, os alumnos recibirán unha certificación
na que se acredite que realizaron este bacharelato de excelencia. O obxectivo é
que, no curso 2020/21, Galicia conte con 20 centros de ensino secundario con
bacharelato de excelencia en ciencias e tecnoloxÃa.
Espazos Maker e libro dixital
Esta estratexia para a educación dixital integra tamén o
desenvolvemento dos Espazos Maker, zonas con equipamento especÃfico dedicadas a
fomentar a creatividade e a innovación da mocidade. EstÃmase que desta
iniciativa se beneficien 300 centros no horizonte 2020/21.
Con respecto ao cuarto eixo do plan, prevese estender o
libro dixital a 300 centros e a máis de 20.000 alumnos no curso 2020/21,
contando con dúas novidades: un módulo especÃfico nos plans de convivencia para
traballar a identidade dixital e prever condutas negativas en Internet e
premios individuais á creatividade en contornas dixitais vinculados aos proxectos
dos centros.
Rede de centros eSTEM.gal
Ademais destes catro grandes eixos, a estratexia tamén
incorpora outras novidades como a a creación da rede de centros eSTEM.gal, que
aglutinará aqueles centros cunha especial motivación polo desenvolvemento cientÃfico-tecnolóxico,
permitÃndolles compartir as boas prácticas e crear comunidades de interese.
Coa previsión de sumar 100 centros a esta rede no horizonte
2020/21, os que se integren na rede partirán con beneficios á hora de
participar en proxectos de innovación educativa.
Máis formación
Asà mesmo, para os alumnos cunha gran vocación cientÃfica,
esta estratexia abre tamén a posibilidade de que poidan ir formarse uns meses a
outro centro educativo, nacional ou estranxeiro.
Tamén orientado aos cientÃficos en potencia, este curso
comezarase a celebrar a Semana STEM, que brindará de xeito gratuÃto a 300
alumnos unha inmersión lúdica nos ámbitos vinculados coa robótica, programación
o pensamento computacional ou as tres dimensións.
Ademais, a Estratexia ambiciona multiplicar por 20 o número
de clubs de ciencia que hai no ensino público galego, pasando dos 10 do curso
pasado a 200 dentro de tres cursos.
No tocante á formación do profesorado, Feijoo afirmou que,
ao igual que ocorre co plurilingüismo, se porá á disposición dos docentes máis
de 10.000 prazas de formación especÃfica, para garantir a mellor calidade no
ensino.