O-Visio achéganos catro cursos sobre as cousas 2.0, en galego e salientando o factor entretemento
martes, 4 de decembro do 2012
O-Visio, selo de produtos
e servizos con marca e identidade cen por cen galega, vén de
anunciar a posta en marcha dunha serie de actividades formativas de
especial interese para todas aquelas e aqueles que queiran pórse ao
día nas novas canles de comunicación e promoción que achegan as
redes. Os cursos,
que se desenvolven en liña en xeiras de curta duración, agrúpanse
baixo o denominador común da estratexia de seu Galiza
2.0. Estas
actividades teñen o seu xermolo na constatación, por parte de O-Visio,
de que existen moitas/os galegas e galegos na procura de métodos
eficaces e accesíbeis para ampliar os seus coñecementos coa súa
conta de Facebook ou Twitter, un blog de seu en blogaliza.org (a
plataforma na nosa lingua para a creación de bitácoras) ou en
introducírense nos fundamentos básicos da imaxe dixital e o retoque
fotográfico con Photoshop.
Os
cursos preparados,
que citamos a continuación, teñen aberto arestora o prazo para
inscribírmonos.
· Aprende os
conceptos básicos da imaxe dixital e comeza a crear efectos
fotográficos con Photoshop.
· Aprende a crear e
xestionar de forma avanzada un blog na plataforma galega Blogaliza.
· Aprende a xestionar de
forma avanzada tódalas opcións da túa conta de Facebook e
Twitter.
As accións incluídas en Galiza2.0 son xeiras formativas
de curta duración, en liña, e achegadas en galego. Asemade, os seus
responsábeis sinalan que, amais do devandito, tamén teñen o
ingrediente fundamental para non deixalas a medio camiño e para que
o coñecemento impartido teña raizames máis fondos: o entretemento.
A vindeira data de inicio das accións de divulgación é a do 20 de
xaneiro. Na web de O-Visio xa é posíbel formalizar a inscrición.
Polo de agora, informan os seus responsábeis, a oferta limítase a catro cursos, pero en breve ampliarase a listaxe
dispoñíbel co seguinte:
· Creación
e xestión de Blog (con blogaliza.org)
-Iniciacións á Web
2.0. e ós blogs
-Creación e xestión
de artículos
-Deseño do blog
-Comentarios
-Configuración e
aplicacións
-Usuarios e permisos
-Guía: manter un
blog activo
Imaxe dixital
-Conceptos
básicos da imaxe dixital
-Iniciación a
Photoshop
-Optimizar imaxes
-Montaxes e efectos
con Photoshop
-Tratamentos
avanzados de imaxe
-Flickr e Slideshare
Facebook
-Iniciación ó
Facebook
-Facebook en galego
-Rexistro e
configuración do perfil
-Xestión do muro
-Mensaxes
e amigos
-Eventos, grupos e páxinas
-Privacidade e
aplicacións
-Engadir botóns e widgets Facebook
Twitter
-Iniciación ó
Twitter
-Twitter en galego
-Rexistro e
configuración do perfil
-Deseño do perfil
-Xestión de
seguidores
-Xestión de tweets
-Hashtags e mencións
-Privacidade e
aplicacións
-Engadir botóns e
widgets Twitter
Que é
O-Visio?
É
unha marca de
camisolas galegas, da Costa da Morte, de compraonline.
Nace a primeiros do ano 2011 como reivindicación da fala e uso da
lingua galega acotío. Así
nolo explican os responsábeis da iniciativa:
“O-Visio representa
unha necesidade, a de comunicarnos en galego; quen
leva posta unha «o-visio» está a berrarlle ó mundo que é galego
e que se sente
orgulloso de selo, leva
ese orgullo chantado no peito; por
outra banda, quixemos plasmar nas nosas camisolas os dialectos da
Costa da Morte, o seseo
e a gheada, porque
nos parece algo fermoso e digno de ser defendido”, sinalan.