O Samsung Galaxy S II supera os 3 millóns de unidades vendidas en 55 días

Se atendemos á repercusión mediática que acadan os móbiles de Apple dá a impresión de que o iPhone domina o mercado mundial dos smartphone, pero o que na realidade acontece é que os terminais de Android están a ter máis forza, pero con menos modelos destacando, polo que resulta especialmente rechamante que o Samsung Galaxy S II conseguise acumular 3 millóns de unidades vendidas en só 55 días, o que indicaría que conseguiron vender 1 móbil cada 1,5 segundos, superando sobradamente ao seu predecesor, o Galaxy, que tardou 85 días en chegar á marca anunciada o pasado domingo.
O Samsung Galaxy S II está a ser considerado como o mellor móbil do mercado durante os 2 últimos meses, converténdose nun obxecto de desexo para os usuarios que non fan ascos aos terminais con Android, e contribuíndo a Samsung reforzar a súa posición no mercado global de móbiles (a súa aposta polo sistema operativo promovido por Google podería ter dobrado a súa cota de mercado e incluso permitirlle superar a HTC).