O SP3 para Windows XP xa ten datas de lanzamento
mércores, 16 de abril do 2008
O agardado Service Pack 3 para Windows XP é xa
inminente, e xa coñecemos as datas
de lanzamento da actualización que suporá unha interesante mellora tanto en
seguridade como en rendemento do veterano sistema operativo de Microsoft.
O 21 de abril estará dispoñible para OEM, propietarios de licenzas por volume e
subscritores de MSDN e TechNet; o 29 de abril se pdoerá descargar manualmente a
través de Windows Update, Microsoft Update e Download Center e o 10 de xuño
pasará a incorporarse como actualización automática.
Este lanzamento por fases permite, entre outras cousas, detectar posibles
problemas antes da súa instalación masiva en todo o mundo, de xeito que cando
se incorpore automaticamente aos Windows XP actuais a actualización estará moi
probada.