O SINC estrea un boletín electrónico á carta para os seus usuarios
martes, 12 de maio do 2009
O Servizo de
Información e Novas Científicas, (SINC) vén de por en marcha un boletín
electrónico “á carta” no que os
usuarios rexistrados poden seleccionar o tipo de contidos que buscan (novas,
reportaxes, entrevistas…), as áreas temáticas e territoriais que desexan que se
inclúan no boletín así como a periodicidade coa que desexan recibilo (diaria ou
semanal) na súa conta de correo electrónico.
Asemade, os xornalistas rexistrados no sevizo de novas poderán
recibir alertas de publicacións científicas, informacións embargadas,
convocatorias de axenda e propostas de contidos á carta sen ter que estar
pendiente de solicitalas cada día ou vixiar que se reciben correctamente. Para
comezar a recibir o boletín, hai que entrar na web do SINC e rexistrarse no
servizo, que é totalmente de balde.
A Fundación Española para a Ciencia e a Tecnoloxía (FECYT)
puxo en marcha SINC co obxectivo de aumentar a presenza de informacións científicas
de calidade nos medios de comunicación e achegar a ciencia á cidadanía. As
informacións do SINC reflexan os achados de investigadores españois en institucións
públicas e privadas, tanto nacionais como internacionais. Dende o seu
lanzamento oficial en febreiro de 2008, SINC non deixou de medrar e de engadir
novas funcionalidades á súa plataforma. Na actualidade este organismo conta con
máis de 300 xornalistas e 400 institucións científicas españolas rexistradas,
así como 1.400.000 páxinas vistas ao mes.