O QlikView Fórum 2010 deixou bo sabor de boca en Compostela
martes, 9 de novembro do 2010
QlikTech, provedor de
software que denominan “de Intelixencia
de Negocio (BI)”, vén de celebrar en Santiago a súa última xornada do QlikView
Fórum 2010, unha serie de eventos que se celebran anualmente
en varias cidades da xeografía española e portuguesa para debatir sobre Business Intelligence.
O
obxectivo destas xornadas residen en explicar, a través da experiencia de
clientes da compañía, como é posible optimizar a xestión da información empresarial
con QlikView para tomar, segundo
afirman, “as mellores decisións de
negocio”.
Na
xornada de Santiago, QlikTeck uniu forzas con Auren, o seu partner de
referencia en Galicia, e convidaron a Caramelo e ao Instituto Policlínico La Rosaleda, organizacións
que xa implantaron QlikView “con gran
éxito na xestión e análise da súa información”, segundo afirman.
Nesta xornada reuniron unha grande
afluencia de público e numerosas entidades do país mostraron o seu interese por
coñecer as vantaxes da última versión desta ferramenta, a QlikView 10.
Trátase dunha aplicación que permite
acceder e manexar información fiable de maneira doada e rápida, o que reduce os
custes operativos, ao tempo que incrementa a produtividade, mellora os fluxos
de caixa e é de gran axuda na toma de decisións.
David
Guitián, Director da Organización de Sistemas de Caramelo, explicou como QlikView unificou as diferentes fontes de información que manexaba
a compañía, ofrecendo valiosas análises de negocio tanto para a sede central
como para os puntos de venda.
Pola súa parte, Rafael
Silva, xerente do Instituto Policlínico La Rosaleda, explicou o valor que aporta QlikView
nun entorno sanitario “do máis alto
nivel”.
Unha
vez rematados os relatorios, Auren ofreceu unha demostración interactiva da
ferramenta na que os asistentes puideron coñecer de primera man o seu
rendemento para a xestión de datos.