O Porto do Molle acolle o venres unha xornada sobre oportunidades de negocio aeroespacial
mércores, 3 de xuño do 2015
Este venres 5 o Centro de
Negocios de Porto do Molle vai dar acollida a
unha xornada sobre as oportunidades de actividade que nos abren, ás
empresas e profesionais galegos, as tecnoloxías ligadas ao Espacio.
A xornada vén da man da Axencia Especial Europea en España, cuxo
voceiro (Javier Ventura-Traveset) falará sobre as posibilidades da
devandita navegación e, máis polo miúdo, do sistema Galileo, “unha
extraordinaria ocasión para o desenvolvemento de aplicacións no
sector aeroespacial”.
No relatorio trataranse
tamén aspectos relevantes sobre a ESA e o sector espacial en España.
Na xornada tamén intervirá Teresa Pedrosa, delegada do Estado no
Consorcio da Zona Franca, e Francisco J. Diaz-Otero da Universidade
de Vigo, quen presentará o concurso European Satellite
Navigation Competition 2015 Galician Community Challenge, xa que
é este profesor o punto de contacto en Galicia da organización do
devandito concurso.
O ESNC Galician Community
Challenge, do que é socio principal o Consorcio da Zona Franca de
Vigo en colaboración co IGAPE e GAIN, é un concurso internacional
de innovación que premia as mellores ideas para o desenvolvemento de
aplicacións de navegación por satélite sen importar o estado de
desenvolvemento no que se atope o proxecto, servizo ou idea de
negocio. Este concurso está dirixido a empresas, emprendedores,
investigadores, estudantes, inventores, etc. Na xornada do venres
explicaranse detalles relativos á participación no concurso, os
premios, o calendario e os obxectivos.