O Pórtico da Gloria poderá visitarse virtualmente
luns, 2 de agosto do 2010
Dende hoxe será posible realizar
visitas virtuais a unha versión tridimensional do Pórtico da Gloria grazas
a un proxecto didáctico e divulgativo desenvolvido pola Fundación Barrié de la
Maza en colaboración co Arcebispado e o Cabilo da Catedral no marco do programa
de restauración e conservación preventiva do conxunto histórico que está en
marcha dende hai 2 anos.
A visita virtual ao Pórtico da Gloria habilitouse na cripta da Catedral, é de
balde e consta
de 2 partes: unha de acceso libre (na que podemos coñecer virtualmente os
instrumentos representados no Pórtico mediante técnicas de realidade aumentada)
e outra cunha duración aproximada de 20 minutos, para a que é preciso solicitar
a correspondente cita previa na páxina web da
Fundación Barrié, e na que podemos realizar «unha viaxe a través desta extraordinaria obra para debullar os seus
enigmas iconográficos e sutileza formal».
Aparte das 3D no vÃdeo virtual no que podemos ver o Pórtico da Gloria, tamén
podemos apreciar a policromÃa desta peza, que non se conserva na súa totalidade
por mor do paso do tempo e da humidade, e que deste xeito permite contemplar a
obra coma foi concibida inicialmente.
- Mozo realizando unha visita virtual ao Pórtico da Gloria