O Portal Galego de Língua celebra este sábado os seus dez anos de vida cunha festa-jantar
mércores, 19 de decembro do 2012
Este
22 de decembro, sábado, conmemóranse os dez anos dunha das webs
galego-portuguesas que máis actividade ten xerado nas redes no que a
información sobre lusofonía, reintegracionismo e ligazóns entre
culturas irmás (as de ámbalas beiras do Miño e do Atlántico,
conectando directamente con Brasil, e tamén cos países lusófonos
africáns) se refire. Falamos do Portal
Galego da Língua, que
“completou
os seus primeiros 10 anos de existência”
da man da Associaçom Galega da Língua.
Esta
plataforma en liña, como lembraremos, foi un dos primeiros medios de
comunicación, galegos e en galego, amais de ser o primeiro
específico (tematicamente) sobre a nosa lingua, compartida cos
países de fala portuguesa. A idea é celebrar todo isto, e máis, en
compaña dos medios dixitais que tamén empreguen o galego no seu día
a día, o vindeiro sábado 22 de decembro, cunha festa-jantar en A
Nave de Vidán (Santiago). O evento, incluirá, logo da comida
propiamente dita e das actividades primeiras de confraternización,
“a
apresentaçom de um livro homenagem a esta primeira década do Portal
Galego da Língua
e umhas breves intervenções de vários dos protagonistas
desta etapa”.
O
plan é comezar o xantar sobre as 14.30 horas para logo pasar ao acto
de presentación ás 16.00 horas e rematar a xeira sobre as 17.00
horas. Segundo nos contan dende AGAL, cumpriría formalizar
asistencia canto antes, indicando, por teléfono ou correo
electrónico,
“quem
será a pessoa que vós represente, no jantar-celebraçom, o antes
possível”.