O PP pide que os pais poidan coñecer as actividades dos seus fillos nas plataformas de redes sociais

Para cumprir coa lexislación española Tuenti tivo que facer unha purga de usuarios menores de 14 anos, pero a protección dos menores nas redes sociais non para de dar que falar, e agora é o Partido Popular o que bota máis leña ao lume ao propor no Congreso dos Deputados a modificación da Lei do Menor para incluír a recomendación de que os pais de menores de entre 14 e 18 anos poidan ter coñecemento das actividades dos seus fillos nas plataformas de redes sociais, o que non implicaría a obrigatoriedade do consentimento paterno para acceder tal e coma publicaron moitos medios nas últimas horas e o que ocasionou certo rebumbio.
Pero aínda que a iniciativa do PP poida prosperar, a medida sería tecnicamente moi complexa, pois non hai precedentes internacionais de algo semellante, e as plataformas existentes non están preparadas para ningún tipo de control paterno.
De todos os xeitos, as medidas de control sobre redes sociais, pese a facerse na procura da protección dos menores, non están a recibir boas críticas, e moitos xa consideran que os avances nesta direccións serían actos de censura, que resultarían sumamente arbitrarios pois estarían a pórse uns atrancos a servizos coma Tuenti ou Facebook que non existen noutros ámbitos sociais.