O OSIMGA inicia unha enquisa para coñecer a situación da eAdministración nos concellos galegos
luns, 15 de novembro do 2010
O Observatorio da Sociedade da Información e a Modernización de Galicia
(OSIMGA), adscrito á SecretarÃa Xeral de Modernización e Innovación
Tecnolóxica, inicia
a recollida de datos das novas enquisas sobre a administración electrónica
nos concellos de Galicia correspondentes ao ano 2010. Este traballo de campo,
será realizado en estreita colaboración coa Oficina Técnica eConcellos, dentro
do marco estratéxico da Axenda Dixital 2014.gal.
Cos datos recollidos na enquisa o OSIMGA elaborará un Mapa da
administración electrónica nos concellos de Galicia, un novo estudo que
permitirá valorar a situación actual da administración electrónica realizando
un seguimento máis profundo e unha diagnose máis detallada da evolución da
Administración electrónica dos concellos galegos e das actuación e melloras
necesarias para a súa modernización.
O estudo analizará a situación e grao de desenvolvemento da administración
electrónica local, desagregando os datos segundo o número de habitantes e
atendendo de maneira especÃfica á necesidade de avaliar a implantación das
actuacións e elementos nomeados na Lei 11/2007, do 22 de Xuño, de Acceso
Electrónico dos Cidadáns aos Servizos Públicos.
A sondaxe está enmarcada no Plan eConcellos, promovido pola Xunta de
Galicia en colaboración coas deputacións, os concellos e a Fegamp, para
impulsar e coordinar as actuacións das administracións públicas galegas na
oferta de servizos electrónicos aos cidadáns e organizacións da Comunidade.
Por vez primeira o Observatorio realiza a enquisa unicamente a través de
Internet. Os concellos disporán dunha plataforma habilitada a través do portal
de Eido local para cubrir os cuestionarios. Esta enquisa electrónica consta de
tres módulos: Servizos electrónicos; Equipamentos, aplicacións e programas
informáticos e Actuacións e Melloras.
A enquisa inclúe, entre outros, indicadores estatÃsticos relativos á
dispoñibilidade de equipamento informático e de comunicacións, uso de
aplicacións e plataformas da eAdministración e certificados dixitais. O estudo
tamén proporciona información sobre os procedementos e trámites proporcionados
polos concellos a través de Internet e as canles de comunicación para facilitar
a participación dos cidadáns a través de medios electrónicos. Esta enquisa
inclúe, ademais, indicadores especÃficos sobre o uso do software libre e o
despregamento da banda larga nos concellos de Galicia.