O Mercado de Recimil acolle este sábado un obradoiro de robótica para os máis pequenos
venres, 22 de setembro do 2017
Este
sábado 23 de setembro, a partir das 10.30 horas, o Mercado
de Recimil de Ferrol acollerá un obradoiro de robótica. A
actividade, orientada “aos máis pequenos da casa” (nenas e nenos
de entre 7 e 12 anos), xirará arredor da vertente máis creativa da
robótica: a vertente que convida aos rapaces a facer enxeños coas
súas propias mans, estimulando o seu maxín e a súa creatividade.
Nun plano máis detallado, traballarán con pezas de Lego, sensores e
motores para dar vida a diferentes aparellos robóticos (robots,
vehículos, animais ou “o que suxira a imaxinación dos peques”.
A idea é brindarlles aos cativos unha oportunidade para divertirse
mentres os maiores elixen e mercan os produtos frescos do Mercado.
A
actividade enmárcase dentro do programa de actividades que a
Asociación de Comerciantes do Mercado de Recimil organiza ao longo
do ano co apoio do Concello de Ferrol para dinamizar os seus negocios
e animar a comprar nos diferentes postos. Para
máis información, podemos consultar o Facebook do mercado, no
que se vai dando conta puntual de todas as actividades a celebrar.
Respecto
das inscricións no obradoiro, podemos facer a reserva en Espacio
Vivo e nos teléfonos 981 944 912 ou 608 065 276.