O IGAPE inicia un sistema de alertas sobre oportunidades de negocio internacionais para empresas TIC
luns, 27 de abril do 2015
O IGAPE, no marco do proxecto de
cooperación transfronteiriza ACEint, pon á disposición das empresas e
emprendedores galegos un servizo de vixilancia tecnolóxica para a xeración de
alertas sobre oportunidades de negocio dirixido especialmente ás empresas do
sector TIC orientadas a mercados internacionais.
O sistema de alertas e
oportunidades de negocio está deseñado a partir da integración e
recompilación de información procedente de observatorios, informes, bases de
datos e sistemas de vixilancia competitiva existentes especÃficas para empresas
e emprendedores TIC. O servizo consiste na creación dun sistema que xera un
informe quincenal que se envÃa aos emprendedores e empresas que estean dados de
alta no servizo.
O proxecto ACEint, no que o IGAPE colabora coa Universidade de Santiago e a
axencia de desenvolvemento portuguesa BICMinho, está financiado polo FEDER ao
amparo do Programa de Cooperación Transfronteiriza España-Portugal e ten como
obxectivo impulsar a creación, o desenvolvemento e a internacionalización de
empresas TIC, coa finalidade de que actúen como catalizadores da
competitividade na eurorrexión Galicia-Norte de Portugal.
