O IES García Barbón de Verín entrega os seus premios aos mellores blogs dos estudantes
martes, 3 de xuño do 2014
O IES García Barbón de
Verín vén de celebrar a sétima edición do Premio de Blogs
Escolares, Barbón Blog. Trátase dun concurso dirixido a
salientar as mellores achegas dos estudantes en materia de
comunicación persoal na Rede, con feitura de bitácora. Participaron
nel, unha vez máis, alumnas
e alumnos da materia de Tecnoloxías da Información e a Comunicación
de primeiro curso de Bacharelato. Asemade, o centro de ensino
presentou o Proxecto
Pipe 2014, Proxecto Internet para Estudantes, que se encamiña a
aproximar aos rapaces aos mellores recursos da Rede para o ensino e a
aprendizaxe.
Volvendo ao certame,
dicir que se apoia directamente nas múltiples vantaxes comunicativas
que poñen en xogo os cadernos persoais en liña. Segundo nos conta a
organización do concurso, “o uso cotián do blog na aula permite
potenciar as habilidades dixitais e lingüísticas do alumnado e
motivalo para favorecer a capacidade de aprender, amais de facelo
dunha maneira cada vez máis autónoma”. O acto de entrega de
premios tivo lugar no salón de actos do IES García Barbón o día 2
de xuño de 2014 ás 13.30 horas. A continuación damos conta das
bitácoras recoñecidas.
1 Viviana Anes Afonso,
polo seu blog anesvivi.blogspot.com.es.
Recibiu unha tablet dixital.
2 Saúl Otero García,
pola bitácora ticdevolta.blogspot.com.es.
O premio foi unha tablet dixital.
3 Cristian Vivián
Fernández. Por cristianvivian.blogspot.com.es.
Tamén recibiu unha tableta.
4 José Ángel Penín
González. Polo caderno persoal maisquetics.blogspot.com.es.
Recibiu unha memoria USB de 32 Xb.
5 Braian Machado
Domínguez, polo seu blog braianbarbon.blogspot.com.es.
Recibiu unha memoria USB de 16 Xb.
6 Rogelio García Losada,
polo seu caderno persoal rogeliogarcialosada.blogspot.com.es.
Foi premiado cunha memoria USB de 8 Xb.