O Grupo Nogar introduciu o Big Data e a Visión Artificial nos seus procesos loxísticos no porto de Marín
venres, 21 de xullo do 2023
- A conselleira Lorenzana durante a súa visita ao Grupo Nogar/ Imaxe de Punto GA - M. Riopa para Pontevedraviva.com
O
Grupo Nogar, compañía loxística con centro de operacións
principal no porto de Marín, compartiu esta semana os detalles do
seu recente proceso de transformación tecnolóxica, un proceso que
pasou pola aplicación de novas ferramentas de Big Data
(análise da información a gran escala) en todas as súas
actividades.
O
proxecto supuxo un investimento de 2,8 millóns de euros e foi
apoiado pola Xunta de Galicia, a través da Axencia Galega de
Innovación, que achegou 1,2 millóns.
"É
un orgullo ver que en Galicia temos exemplos de empresas que souberon
reinventarse e ter visión estratéxica para engadir innovación e
investigación aos seus procesos produtivos", destacou a
conselleira de Economía, Emprego e Innovación, María Jesús
Lorenzana.
Lorenzana
acudiu este mércores 19 de xullo ás instalacións do Grupo Nogar en
Marín para comprobar os freitos deste proxecto, no que
participan as empresas Galigrain, P&J Carrasco, Protea Produtos
do Mar e o Centro Tecnolóxico de Investigación Multisectorial.
O
proxecto de transformación, segundo detallaron os responsábeis da
empresa, afondou nas posibilidades da tecnoloxía como ferramenta
esencial de optimización loxística, introducindo a automatización,
os sistemas de sensórica, o Big Data e mesmo o
manexo de xemelgos dixitais que supoñen “melloras considerables na
operativa diaria das empresas participantes”. A
iniciativa fixo posíbel vantaxes concretos como introducir
tecnoloxías de Visión Artificial para facilitar a identificación
de camións, mercadorías e almacéns, con vistas a optimizar a
eficiencia e a seguridade nos proxectos. O proxecto desenvolveuse
para a carga, descarga e almacenamento de graneis, pensos, produtos
conxelados e cargamentos de aluminio.
A
iniciativa que lidera o Grupo Nogar é un dos 24 proxectos que a
Xunta leva apoiado nas catro edicións que ata o de agora se levan
convocado do programa Fábrica Intelixente e Sustentábel para
impulsar a transformación da industria galega. A estas, súmase una
quinta que xa está aberta ata o 2 de outubro cun orzamento de 24 M€.
Segundo precisou, neste tempo beneficiáronse destas axudas 68
empresas e centros de investigación e se mobilizaron 275 M€ de
investimento público-privado (76 M€ por parte da Xunta).