O Grupo Barrán anuncia un novo curso sobre desenvolvemento de xogos para Android e Firefox OS
luns, 27 de xaneiro do 2014
O Grupo
Barrán, compañÃa compostelá da que falamos recentemente en
Código Cero para dar conta das
súas actividades formativas arredor de Android e das implicacións
do hacking ético, vén de darnos a coñecer novas accións para
introducÃrmonos de cheo nas posibilidades de emprego e
desenvolvemento que achega o software libre. Trátase dun novo curso
sobre desenvolvemento de xogos para plataformas móbiles abertas.
Neste caso concreto, para os sistemas Firefox OS e Android (sen
dúbida este o sistema de meirande presenza en dispositivos móbiles
de todo o mundo, abranguendo o 90% dos móbiles que se venden na nosa
terra, a moita distancia de calquera dos seus competidores). O curso
de Barrán ten unha duración de 250 horas repartidas en cinco meses.
O seu custe mensual é de
100 euros e ao remate das sesións formativas farásenos entrega do
certificado homologado que avala o noso coñecemento sobre a materia.
O curso desenvolverase en Santiago e para os interesados dicirlles
que a inscrición pódese formalizar a través da conta
info@grupobarransl.net ou ben mediante o número de teléfono 981 557
367.
Sinalar que o Grupo
Barrán é unha compañÃa galega posta en marcha coa arela de
achegar as múltiples vantaxes e posibilidades de crecemento a
tódolos niveis que ofrece o software libre, tanto para particulares
como para empresas. Este labor formativo compleméntase con servizos
baseados en creación de páxinas web, computación na nube, apoio a
emprendedores ou servizo técnico.