O Goberno rexistrou o ano pasado 135.000 consultas en materia TIC, un 11,7% menos
mércores, 14 de maio do 2014
A Oficina de Atención ao
Usuario de Telecomunicacións, dependente do Ministerio de Industria,
vén
de facer reconto da súa actividade ao longo de 2013. Para
comezar, sinálase no informe, recibiu no dito ano un total de
135.082 consultas en 2013, “o que supón un descenso do 11,79% con
respecto a 2012”. Do total das comunicacións, a maioría (95,4%)
recibíronse por teléfono, mentres que o 4,6% restante chegaron por
correo electrónico. A maioría das consultas, máis da metade,
corresponden a asuntos relacionados coa telefonía móbil. Séguenlle
as preguntas polos paquetes de voz e datos, cun 17,2%, telefonía
fixa cun 16,3% e o acceso a Internet cun 8%.
No que atinxe ás
reclamacións, foron un total de 31.612 reclamacións o ano pasado,
un 6,4% máis có ano anterior. Delas, sinala a Oficina, 31.583 foron
resoltas. Do total destas, o 67,4% foron favorábeis ao reclamante,
sendo o resto a favor do operador.