O Goberno galego confirma o seu compromiso pola televisión a través da Internet
mércores, 6 de febreiro do 2008
Manuel José Fernández Iglesias, director xeral de
Comunicación Audivisual, destacou o compromiso
do Goberno galego co desenvolvemento da televisión por Internet durante a
inauguración dun curso organizado polo Máster de Comunicación Empresarial da
Universidade da Coruña.
Fernández Iglesias defende que a televisión a través da Rede supón «un gran reto para todos» e explicou que
darán continuidade á plataforma
televisiva a través da Internet creada co gallo do simposio Pobre Mundo Rico, de xeito que
Galicia terÃa a primeira administración autonómica cunha canle de televisión
propia a través da Rede.
O director xeral tamén explicou durante a súa intervención que o modelo de consumo
audiovisual está a experimentar «un
cambio radical», coa integración de tódalas canles de difusión nunha única
pantalla onde converxen os fluxos audiovisuais. Tamén engadiu que a televisión
por Internet non supón só unha evolución tecnolóxica, «senón que implica un cambio de cultura fundamental na maneira de facer
e de consumir televisión».