O Dicionario de Galego de Ir Indo pasará a ser de pagamento en outubro
martes, 21 de setembro do 2010
En abril de 2008 o dicionario de
galego de Ir Indo estreou versión web, permitindo a consulta de máis de
65.000 entradas adaptadas ás Normas Ortográficas e Morfolóxicas do galego
aprobadas pola Real Academia Galega en 2003, suplindo unha importante carencia
(o dicionario de
referencia na web ata tal momento está obsoleto, por acollerse á normativa
de 1997) pero sen fuxir de certas polémicas, coma o seu peche temporal a poucos
meses do seu nacemento para esixir axudas públicas para este proxecto.
Finalmente a editorial responsable desta ferramenta de consulta tomou unha
decisión dramática, anunciando que dende outubro o acceso a Digalego.com será de pagamento por unha cota anual de
38,80 euros (19,90 euros a través da súa oferta de lanzamento) o que inclúe
o acceso á versión dixital da Enciclopedia Galega Universal (EGU).
Esta medida poderÃa servir para potenciar o financiamento da versión en liña do
dicionario de galego de Ir Indo, ou para impulsar o nacemento dunha alternativa
de balde, o que estrangularÃa a publicación de pagamento, de xeito que estamos
ante unha situación crÃtica da que procuraremos seguir o seu desenvolvemento.
