O Demoday do Coworking Dixital CCompostela pon o foco nas claves da comunicación efectiva
mércores, 29 de novembro do 2023
O
programa de formación do Coworking
Dixital CCompostela, financiado nun 80% polos fondos europeos
FEDER que xestiona a Fundación INCYDE e nun 20% pola Deputación
provincial da Coruña, organizou este mércores 29 de novembro a
Xornada Demoday: presenta o teu proxecto co obxectivo de que
os emprendedores da área de Santiago aprendesen a expoñer e
comunicar as súas propostas de mercado de forma efectiva para captar
o interese de investidores ou futuros clientes.
O
Demoday presentouse como unha oportunidade para que os emprendedores,
startups, perosas autónomas e pemes puidesen exhibir os seus
proxectos e poñer a proba as súas habilidades comunicativas e
persuasivas para explicar e vender a súa visión de negocio.
Os
participantes aprenderon que presentar un proxecto de maneira
efectiva “vai máis aló de falar fronte a un público”. De
feito, na xornada explicouse que o devandito “implica a capacidade
de simplificar ideas complexas, espertar emocións e establecer
conexións significativas coa audiencia”. Habilidades fundamentais
non só para atraer investimentos, senón tamén para construír
relacións sólidas con clientes, socios e empregados.
Os
participantes mostraron unha visión xeral do seu modelo de negocio,
o mercado no que compiten, os fitos alcanzados e os seus obxectivos
futuros. Tras unha exposición de 5 minutos que incluíu
demostracións dos seus produtos ou servizos, responderon a unha
quenda de preguntas por parte do xurado experto do equipo técnico do
Coworking Dixital.
O
xurado elaborou unha valoración final e orientación dos puntos que
deben reforzar tanto da presentación, como do proxecto en xeral, de
modo que estean o mellor preparado para presentar o seu proxecto ante
investidores, financiadores, ou clientes.
O
Coworking Dixital CCompostela é unha iniciativa da Cámara de
Comercio de Santiago de Compostela, financiada a través da Fundación
INCYDE das Cámaras de Comercio e da Deputación provincial da Coruña
para impulsar a dixitalización de máis de 350 empresas en 2023 cun
investimento de 300.000 euros. Forma parte da Rede Provincial de
Espazos de Traballo da Deputación da Coruña e ofrece un espazo
colaborativo con equipamento tecnolóxico e programas específicos de
acompañamento, incubación e aceleración de empresas e máis de 40
actividades que se realizarán en Santiago e 32 municipios do sur da
provincia da Coruña.