O Concello de Foz organiza obradoiros de Administración Electrónica para a veciñanza
mércores, 24 de febreiro do 2010
Dende hoxe, e ata o vindeiro mércores, dÃa
3 de marzo, o Concello lugués de Foz vai impartir diversos obradoiros de
formación en Administración Electrónica sobre o 060, un servizo en liña para a
cidadanÃa que conxuga información, trámites e xestións coas diferentes
administracións, e que os veciños e veciñas do lugar poden aproveitar para as
súas relacións coa administración local.
Os cursos comezan coa difusión dun stand publicitario en varios lugares de
Foz para dar a coñecer os obradoiros que terán lugar na localidade e que
xirarán en torno aos trámites en liña coas administracións, o emprego do DNI
electrónico, o uso das aplicacións móbiles…
Mañá xoves, 25 de febreiro en concreto,
as asociacións de mulleres do lugar terán un taller dedicado especialmente a
elas, a partir das 16:00 horas no Telecentro da Casa da Xuventude.
Posteriormente, o venres 26 de febreiro,
a partir das 11:00 horas no mesmo escenario serán as persoas desempregadas as
que reciban un obradoiro enfocado á procura de emprego, asà como á tramitación
da documentación a través da Rede.
A partir das
14:00 horas. será o persoal do Concello o que acuda a un taller sobre a
información e trámites das administracións, asà como do DNI electrónico e os
distintos trámites en liña.
O mércores, 3 de marzo, tocaralle o
turno ao público en xeral, que
poderá asistir a un Taller de Administración Electrónica sobre o 060 no que
aprender como atopar información sobre administracións, realizar trámites en
liña, usar o DNI electrónico...será a partir das 20:00 horas no Telecentro da
Casa da Xuventude.
Asemade, para o
empresarios e empresarias da zona, o Concello de Foz ten preparadas unhas
Xornadas Tecnolóxicas, que se repartirán en dúas sesións: unha primeira que
versará sobra a Administración electrónica (o 060), que terá lugar o 1 de marzo
a partir das 20:00 horas e unha segunda sesión na que se desenvolverá un taller
de Utilidades Móbiles, tamén a partir das 20:00 horas do martes dÃa 2.
Neste obradoiro,
que terá lugar no mesmo lugar, a empresa Xestión Celular de Vodafone impartirá
un relatorio sobre novos dispositivos, ferramentas e solucións móbiles para o
mundo empresarial, para coñecer como optimizar os recursos e como aproveitar as
ferramentas móbiles para mellorar o seu negocio.
As persoas
interesadas en obter máis información ou inscribirse nos cursos, deberán
poñerse en contacto coa Delegación de Xuventude do Concello de Foz, no teléfono
982 133 037, ou por correo electrónico.
